Uncategorized

कोरियाका १० रहस्यमय तथ्यहरु

कोरिया भन्ने वित्तिकै तपाइ हाम्रो दिमागमा एउटै कुरा आउछ, भाषा परिक्षा पास गर्ने, त्यहाँ गएर कृषि तथा प्रविधिमा काम गरेर पैसा कमाउने । तर कोरिया त्यतिमा मात्र सिमित छैन । कोरियामा संसारमै नभएका विभिन्न रोचक विषयवस्तुहरु छन् जसले कोरियाको समृद्धिको यात्रालाई यो उचाई सम्म ल्याउन सफल भएका छन् । आउनुस् आज कोरियाका बारेमा १० रोचक तथ्य जानौँ ।

१. कोरिया प्रविधि पारखिका लागी स्वर्ग हो

कोरिया प्रविधिका पारखिहरुका निम्ति स्वर्ग हो । यहाँ विश्वकै छिटो गतिको इन्टरनेट चल्छ । अध्ययनका अनुसार कोरियाको औसत ब्रोडब्यान्ड स्पिड करिव २६.१ एम. वि. प्रति सेकेण्ड रहेको छ । यसका साथै यहाँ करिव ९७ प्रतिशत स्थानमा फोर जी नेटवर्क त्यो पनि संसारकै उत्कृष्ठ गतिमा चल्दछ ।

२. कोरिया संसारकै आर्थिक रुपमा सवल राष्ट्र हो

एक अध्ययनका अनुसार कोरिया कुल गाह्रस्थ उत्पादनका हिसावले संसारको ११ औँ धनी राष्ट्रका रुपमा आफूलाई स्थापित गर्न सफल भएको छ । एसियामा चीन तथा जापान पछि कोरिया नै उच्च आर्थिक बृद्धि हासिल गर्ने मुलुकको रुपमा आफूलाई उभ्याउन सफल भएको छ । कम्प्युटर, फोन, इलेक्ट्रोनिक्स तथा कार उत्पादन कोरियाका आर्थिक मेरुदण्ड हुन् ।

३. कोरियामा संसारका उत्कृष्ठ विमानस्थलहरु छन् ।

इन्चियोन अन्तराष्ट्रिय बिमानस्थल संसारकै उत्कृष्ठ विमानस्थलको रुपमा सुचिकृत भएको छ । उसले गत बर्ष संसारका उत्कृष्ठ विमानस्थलले पाउने अवार्ड समेत हात पारेको छ ।

४. संसारकै ब्यस्त हवाइ मार्ग कोरियामा छ

संसारकै ब्यस्त हवाइ मार्ग कोरियामा रहेको छ । कोरियाका विमानस्थल भएर यात्रा गर्ने मानिसको संख्या करिव २६ मिलियन रहेको छ । यो लण्डनको हिथ्रो अन्तराष्ट्रिय बिमानस्थल भन्दा पनि ब्यस्त हो । यहाँ एक बर्षमा करिव ६४,९९१ अत्तराष्ट्रिय उडान भएका थिए ।

५. कोरियामा भएका विश्व सम्पदा सुचीहरु

कोरियामा भएका १२ वटा विश्व सम्पदा सुचीहरु जे कोहीको मन लठ्ठ पार्न सक्षम छन् । यहाँका मन्दिर, प्राचिन दरवार, अनौठा गाउँहरु आदी विदेशी पर्यटकहरुलाई मोहित बनाउन सफल छन् ।

६. भविश्य दर्शाउने आर्किटेक्चर

कोरियामा बनाइने गरेका विशाल तथा अनौठा भौतिक संरचनाहरु विश्वलाईनै चकित पार्ने किसिमका रहेका छन् । जाहा हमिदको डोङ्गेइमोन प्लाजा, १८१९ फीट अग्लो लोट्टे वल्र्ड टावर जो संसारकै पाँचौ अग्लो टावर पनि हो आदी कोरियाको भिन्न परिचय दिन सवल छन् ।

७. कोरियाको आधा भन्दा बढी भुभाग बन क्षेत्र रहेको छ

कोरियाको परिचय गगनचुम्बि महल बाट मात्र हुने गरेको छ तर कोरियालीहरु यहाँको पर्यावरण जोगाउन प्राकृतिक वातावरणलाई समेत बचाइ राख्दछन् । अध्ययनका अनुसार कोरियाको करिव ६४ प्रतिशत भुभाग बन क्षेत्रले ढाकिएको छ । साथै २४१३ कि.मि. लामो समुद्री तट तथा ३००० बढी मानव बस्ती रहित टापूहरु समेत रहेका छन् ।

८. विश्वमै धेरै प्रजातिका खाध्य परिकार पाइन्छ

कोरियामा विश्वलाई नै चकित पार्ने खाद्य परिकारहरु पाइन्छ । कोरियाली किम्चि लगायतका अन्य विभिन्न खाद्य परिकारहरु संसार भरका मानिसहरुको मन मुटुमा बस्न सफल छन् ।

९. कोरिया ब्रेक डान्सका निम्ति पनि प्रख्यात छ

कोरिया आफ्नो के—पप म्युजिक तया डान्सका कारण संसारभर प्रख्यात छ । ग्याङ्नम स्टाइल जसले युट्युवमा सर्वाधिक हेरिएको भिडियोको उपाधि समेत पाएको थियो का साथसाथै अन्य विविध सांगितिक तथा नृत्यहरु कोरियाका पृथक परिचय हुन् ।

१०. अनुहारको हेरचाह तथा सर्जिकल उपचारमा संसारमै उत्कृष्ठ

कोरियामा अनुहार तथा छाला सम्बन्धि हेरचाह गर्ने सामाग्रिहरुको सबै भन्दा ठूलो बजार रहेको छ । यहाँका महिलाहरु सँधै सुन्दर अनुहार देखाउन चाहान्छन् । यहि तथ्यलाई ध्यानमा राखि यहाँ संसारकै धेरै कस्मेटीक उत्पादन पाइनुका साथै सर्जरी समेत हुने गरेको छ ।हटपाटीबाट

Author Since: Dec 06, 2019

Related Post