कोरिया खबर

काेरियाकाे थेगुमा भेटियाे काेराेनाकाे पछिल्लाे संक्रमण, सचेत रहन नेपाली डाक्टरकाे सुझाव

दक्षिण काेरियाकाे थेगुमा मंगलबार काेराेना भाईरसकाे पछिल्लाे १ जना संक्रमित भेटिएकाे छ । थेगुमा एक ६१ वर्षिया महिलामा भाईरसकाे संक्रमण भेटिएकाे काेरियाली डाक्टरहरकाे संस्था केसीडिसीले जनाएकाे छ ।याे सँगै काेरियामा काेराेना भाईरसबाट संक्रमित हुनेकाे संख्या ३१ पुगेकाे छ । मंगलबार सम्मकाे सरकारी तथ्याङ्क अनुसार भाईरसबाट संक्रमित हुनेकाे संख्या ३१ पुगेका

काेरियाली संचार माध्यमले जनाएका छन् । यसैविच काेरियाका नेपाली डाक्टर राजेश चन्द्र जाेशीले संक्रमण काेरिया भरी नै फैलिएकाले सचेत रहन यहाँका नेपालीसँग आग्रह गरेका छन् ।काेरियामा मंगलवार सम्म ९ सय ५७ जना क्वारेन्टाईनमा रहेकाे जाेशीले बताए । चिनकाे बुहानबाट सुरु भएकाे उक्त भाईरसका कारण चिनमा मात्रै हाल सम्म १८०० ले ज्यान गुमाईसकेका छन । त्यस्तै ३ हजार १ सय १२ जनालाई पूर्ण रुपमा निकाे भएकाे चिन सरकारकाे भनाई छ ।खबर पेपरबाट

चीनबाट फर्किएका सबै सकुशल

काठमाडौं : ‘म डा. रञ्जित शाह, सरुवा रोग विशेषज्ञ हुँ। हामी तपाईंहरूको र्‍याल (थ्रोट स्वाव) संकलन गर्न आएका हौं। तपार्इंहरू डराउनु पर्दैन। कृपया सहयोग गर्नुहोला।’ भक्तपुर खरिपाटीस्थित विद्युत् प्राधिकरणको तालिम केन्द्रको कन्ट्रोल रुमबाट डा. शाहले अनुरोध गरे। खाना खाने तयारी भइरहेका बेला सुनिएको आवाजले क्वारेन्टाइनमा बसेका सतर्क भए। शाहलगायत सबै स्वास्थ्यकर्मीले ‘पर्सनल प्रोटेक्टिभ इक्विपमेन्ट’ पहिरिएका थिए।

राष्ट्रिय जनस्वास्थ्य प्रयोगशालाका सरुवा रोग विशेषज्ञ (भाइरोलोजिस्ट) डा. शाह नेतृत्वको खटिएको टोलीले सबैको घाँटी र नाकको स्वाव संकलन गर्‍यो। एक सय ७५ जनाको थ्रोट स्वाव संकलन गर्न चार घण्टा लागेको डा. शाहले बताए। ‘खाना खाएर थ्रोट स्वाव संकलन गर्दा वाकवाकी लाग्ने सक्ने जानकारी गरायौं। सबैले थ्रोट स्वाव संकलनपछि मात्र खाना खानुभयो,’ डा. शाहले अन्नपूर्णसँग भने।

स्वाव संकलनपछि स्वास्थ्यकर्मीले इथानोलयुक्त ‘स्प्रे’ शरीरमा छर्के। पोसाक फेरेर भक्तपुर गएका स्वास्थ्यकर्मी साँझ काठमाडौं फर्किंदा खुसी देखिन्थे। डा. शाहले भने, ‘देश र पेसाप्रतिको कर्तव्य पूरा गर्नु जोखिम नै थियो। सबै काम सकेर फर्कंदा खुसी लाग्यो। कन्सल्टेन्ट माइक्रोबायोलोजिस्ट डा. महेश अधिकारी, मेडिकल टेक्नोलोजिस्ट त्रिभुवनप्रसाद शाह, स्मृति श्रेष्ठ, विमलेश अधिकारी, सुनी डंगोल, स्विटी उपाध्याय, विनिता महर्जन, अबिना ओझा र अर्जुन चौधरी खटिएका थिए।

स्वास्थ्य तथा जनसंख्या मन्त्रालयका सहायक प्रवक्ता सागर दाहालका अनुसार स्वास्थ्य अवस्थाको पछिल्लो जानकारीका लागि घाँटीको र्‍र्‍याल (थ्रोट स्वाव) नमुना संकलन गरिएको हो। संकलित थ्रोट स्वाव परीक्षणका लागि टेकुस्थित राष्ट्रिय प्रयोगशालामा पठाइएको छ। दाहालले भने, ‘सबैजना सकुशल हुनुहुन्छ। अहिलेसम्म कोभिड–१९ भाइरस संक्रमणको कुनै लक्षण देखिएको छैन।’

कोभिड–१९ संक्रमणपछि चीनबाट उद्धार गरी ल्याइएका नागरिकलाई भक्तपुर खरिपाटीस्थित क्वारेन्टाइनमा राखिएको छ। उनीहरूलाई त्यहाँ कम्तीमा १४ दिनसम्म राखिनेछ।क्वारेन्टाइन अवधिभर नियमित स्वास्थ्य जाँच र शंकास्पद लक्षण देखिएमा प्रयोगशाला परीक्षणको व्यवस्था गरिएको छ।

-अन्नपूर्णपोस्ट् बाट

Author Since: Dec 06, 2019

Related Post