कोरिया खबर

कोरोनाबाट सुरक्षित हुन कोरियन एयरलाइन्सले सुरु गर्यो स्वास्थ्य परीक्षण:

कोरियन एअरलाइन्सले विहिबारदेखि दक्षिण कोरियाको ईन्छन अन्तराष्ट्रिय विमानस्थलबाट हुने हरेक उडानहरुमार्फत् यात्रा गर्ने यात्रुहरुको तापक्रम नाप्ने भएको छ ।कोरोना भाइरसको बढ्दो प्रकोपलाई मध्यनजर गर्दै यात्रुको तापक्रम नाप्न सुरु गरिएको कोरिएन एअरलाइन्सले जानकारी दिएको छ । एयरलाइन्सले ईन्छनबाट हुने हरेक अन्तर्राष्ट्रिय उडानअघि बोर्डिङ गेटबाटै यात्रुहरुको

थर्मल इमजिङ क्यामेरा र हाते थर्मो्मिटरमार्फत् तापक्रम नाप्ने जनाएको छ ।तापक्रम नाप्नेक्रममा ३७ दशमलब ५ डिग्री सेल्सियसभन्दा बढी तापक्रम मापन भए कोरोनाको लक्षण मान्दै बोर्डिङ नगरिने एअरलाइन्सले जनाएको छ ।

कोरिएन एअरलाइन्सले यो कामका लागि ८ वटा थर्मल इमेजिङ क्यामराको प्रयोग गरिरहेको जनाएको छ । यसअघि फेब्रुअरी २९ देखि नै ईन्छनबट अमेरिका उडान भर्ने यात्रुहरुको तापक्रम नाप्न उक्त एयरलाइन्सले सुरुवात गरिसकेको थियो ।

Author Since: Dec 06, 2019

Related Post